Ilinnut isigiarsuttumut sulili igaffimeerusuttumut paasissutissat pingasut
Igat angissusiat
Igat atortakkannit anginerit atortarnissaat pillugit paasissutissaq pitsaasoq, taava imeq qalaaleruni utsersussanngilaq.
Igat kuisinissamut nuugissut pisiarisigaanni suli pitsaanerussaaq. Taamaalillutik suut tamarmik ajornannginnerulissapput aamma imermik qalattumik assakkut uunissaq ungasinnerulissaaq.
Kilitsigit
Tappippallaarunnaarsimalluni kusanartunik kiliterinissaq suliassaasinnaasarpoq unammillernartoq. Savik Dux Victorinox iffianik neqinillu kiliterutaavoq maskiina kilitassat silissusissaannik aqutsiffiusinnaasoq, taamaalillutit ajornanngitsunnguamik isumannaatsumillu iffianik qallersuutissanillu assigiinngitsunik issusilinnik angeqqatigiinnillu kiliterisinnaavutit. Saaminnut talerpinnullu saviit pisiarineqarsinnaapput.
Tuniniarnerani najoqqutassatut aki
kr. 525 niuertarfinni immikkut ittuni.
Iganermut najoqqutassat nipitallit
Tappigersimagaanni imaanngilaq nerisassiortoqartarunnaassasoq aamma najoqqutassanik nutaanik misiliisarneq unissasoq. Iganissamut ilitsersuutinik angisuunik naqinnilinnik nipitalinnillu peqarpoq, tamakkulu atuakkanik atorniartarfinni atorneqarsinnaapput. Periarfissaq siunnersuutigineqarsinnaasoq alla tassaavoq illit mamarisannik najuqqutassamik immiussininnut ikiorneqarnissat, assersuutigalugu cd-nut. Cd-it tamatuma kingorna igaffimmi tusarnaarneqarsinnaapput.
Qaamaneqarluarneq allanngortitsisarpoq
Isigiarsuttuuguit qaamanerit pingaaruteqartorujussuupput. Eqqortumik qaammaqqusersuineq ilimagisannit iluaqutaaneruvoq, kisianni qaamaneq sakkortooq tamatigut iluaqutaaneq ajortoq eqqumaffigineqartariaqarpoq.
Inuppassuit qaamaneq qullerneersoq inngianarisinnaavaat.
Nammineq isigineq
Anette Bjerre Dansk Blindesamfundip pikkorissartitsisarfiani, Fuglsangcentret, Fredericiamiittumi pikkorissartitsinernut aqutsisuuvoq.
Tassani ilaatigut 1993-imiilli tappigeqqaanik ilinniartitsisuusimavoq. Ullumikkut Anette isigimigut nappaatip, retinitis pigmentosa, malitsigisaanik tappigivissorsimavoq, aamma ulluinarni pigisat suut qinngarnarsinnaallutillu suut atorsinnaasut nalinngilai.