Home /  livet som blind /  tips og gode råd /  pårørende - gode råd ved synstab / 

Qanigisat - tappigernermi siunnersuutit pitsaasut

Tappigeqqaat inissisimanermik assigiinngitsunik qisuariartarput. Qanigisaasutut quppernermi matumani siunnersuutit malikkukkit asigiinngitsitsissaatit.
  • Tappigeqqaat aallaqqaammut ilinnik assorujussuaq pinngitsuusinnaanngitsut akueriuk.

  • Naammagittarit, tappigersimagaannimi suut tamarmik sivisunerusarput. Naak illit suliassanik tigusiguit suut tamarmik ajornannginnerulertillu sukkanerulissagaluartut, taamaaliussanngilatit. Tamanna ilinnik pinngitsuuisinnaannginnermik annertunerusumik kinguneqaannassaaq.

  • Piffissaq atoruk, naalaarit najuullutillu. Inuunermi ajornartorsiornerup qaangernissaanut piffissaq sivisusarpoq. Qanigisaasutut inuk isigiteqqilersinnaanngilat, kisianni najorsinnaavat!
  • Ikiuunnissat neqeroorutigiuk, kisianni eqitaarerujussuassanngilatit nammineersinnaajunnaartitsillutillu. Qanigisaasutut "suliassanik tigusinissaq" ajornannginngitsunnguusinnaavoq, kisianni tappigeqqaaq piffissaqartiguk namminerlu misiliisiguk. Tappigeqqaaq aamma qanoq ikiorsinnaanerlugu aperisinnaavat, taamaalillutit taassuma killissai qaanginnginniassagakkit.

  • Paaissutissanik ujaasigit. Tappigeraanni inissisimalerneq pillugu paasissutissanik ilisimasanillu pissarsiniarneq ajornakusoorsinnaasarpoq. Qanigisaasutut internetternermut quppersakkanillu inniminninnermut ikiuusinnaavutit aamma akissutit eqqortut paasiniarlugit nipituumik atuffassisinnaavutit - aaqqiissutissamillu nassaarlutit.

  • Angalaqateqariaaseq ilinniaruk. Taamaalillusi siunissami sumiiffinni kikkunniilluunniit tikinneqarsinnaasuni angalatillusi tungujornerpassuit paatsoornerpassuillu pinngitsoorsinnaavasi. Tamanna aamma ajornanngilaq piffissaajaataananilu.
  • Inuup tappigersimasup atisaminut nerriviulluunniit qaanut kusersimappat sallaatsumik oqarfigiuk. Taamatut oqaruit pineqartoq nittarsaannaveersaassavat nakkarsarnaguluunniit.

  • Allannguutit qisuariarfiginissaannut imminut inissaqartigit.

  • Soqutigisatit attatiinnakkut aamma aniajuaannarit. Tamanna imminuinnaq eqqarsaatiginninnerunngilaq aamma isiginiarnermigut innarluutilik kisimi angerlarsimasinnaavoq.

  • Naligisannut attaveqarit. Suut tamarmik taarnerpaaffianni allat aamma taamatut inissisimasuusut paasillugu iluaqutaarujussuarsinnaasarpoq.
  • Oqaloqatigiigitsi imaluunniit allap qisuariaataanik arlaannik paasinngisaqaruit aperigit.

  • Allat taamatut inissisimasut oqaloqatigikkit.

Tappigerneq ajornartorsiuffiuvoq

Tappigernerup pisuni amerlanerni inuk ajornartorsiulersissinnaavaa. Isigisaq annaajartuaarneqarnersoq tassanngaannarluunniit annaaneqarnersoq apeqqutaavoq, soorluttaaq inuusuttuulluni, akunnatunik ukioqarluni utoqqaalluniluunniit tappigerneq pingaaruteqarsinnaasartoq. Kisianni qanorluunniit ukioqaraluaraanni tappigerneq ajornartorsiutaasarpoq. Isiginnaaneq annaaneqaannarneq ajorpoq aammali isigisinnaaneq atorlugu iliuutsit tamaasa annaaneqartarput; biilerneq, qalipaaneq, atuarneq, eqqumiitsulianik kulturimillu isiginnaarnerit, suliartorneq allarpassuillu.

Ajornartorsiornerup sivisussisia

Ajornartorsiut nalinginnnasumik ukiumi ataatsimi - marlunni misigisimaneqartarpoq. Aamma taanna piffissaasinnaavoq inuup tappigernerminik sungiussiniarnerminut atugassaa. Kisianni inuk tappigersimasoq inuunermi sinnerani innarluutiminik paasitinneqartuartassaaq aamma misigissutsit soorlu aliasunneq, maqaasineq kammannerlu ukiorpassuit qaangiutereeraluartut takuttuartassapput.

Ajornartorsiornerup qanigisat eqqoraagangit

Qanigisat aamma ajornartorsiuteqarneq pillugu qisuariarnermik misigisaqarsinnaapput. Aallaqqaammut inuit tappigersimasut pissusissamisoortumik qitiutinneqartarput, uffa qanigisaasut imminut isumagisumik imminnut tullinguuttartut. Kisianni piffissap ilaani qanigisat allannguutit pillugit qisuariarnissaannut aamma inissaqartinneqarnissaat pingaartuuvoq. Inuk tappingeraagat ilaqutariit tamarmik sunnerneqartarput. ilaquttat qanigisat tamarmik suliassat nuunneqartut inissisimaffiillu allanngortut isummerfigisariaqarpaat.

Qanigisaalluni annernarpoq

Asasap tappigernera satsilerneralu isigalugit annernarsinnaasarpoq. Aamma tamanna uumitsannermik, naammagittaannermik, kanngusunnermik imminullu pisuutinnermik kinguneqarsinnaavoq. Qanigisaq tappigertillugu aamma qanigisaasumi aliasunneq maqaasinerlu takussinnaasarput, assersuutigalugu avitseqateqarsinnaajunnaarnermi imaluunniit mamarisanik neqereqatigiissinnaajunnaarnermi. Aamma arlaannik tappiitsup peqataaffigisinnaasaanik suliaqaraanni imminuinnaq eqqarsaatigisutut miseqqajaanartarpoq.

Tappigernerup kinguneri

Tappigertup allannguutai qanigisaasut amerlanertigut takusarpaat. Tamanna inuup tappigertup imatut misigisaqarsinnaaneranik pissuteqarpoq:

  • misigissutsit paatsiveqanngitsut, soorlu kamanneq, kanngussunneq, nalornineq, aliasunneq, neriunneq aamma isumalluarneq misigineqartarput.

  • inuit siornatigut isigisatik atorlugit soorlu biilertarnerat il.il. maqaasineqartarput.

  • qasugaluttuinnarneq, tassami suliassat annikitsunnguit allaat sivisuumik suliassaasaramik.

  • kinaassutsimik annaasaqarneq, suliassat nammineq soqutigisat aallussinnaanagit pisarnertullu sulisinnaanani

  • avatangiisit sungiusimasat innarluuteqannginnerulluni misigisartakkat pissutigalugit angerlarsimarusunnerunerit.

  • tappigernerup malitsigisaanik aqqusinermi inunnut allanut aportaramik imaluuniit ilisarisimasat ilassinngitsooraanni aalateriffiginngikkaanniluunniit paatsoorneqarnerit.

  • siunissaq pillugu imaluunniit kisimiilluni aqqusinertigoortarnissaq pillugu ernumanerit, nalorninerit ersinerilluunniit.

  • mianersornerulerneq, maannakkut isigisinnaaneq nakkutiginninnissamut atorneqarsinnaajunnaarmat, soorlu kissarsuut il.il. qaminnerlugit eqqaamanissaat qulakkeerlugit.