Allagartarsuarni tappiitsunut naqinnerit (Braille)
Allagartarsuit, naleqquffiinik tappiitsunut naqinnernik allassimasariaqarput.
Sbl-imi misissuinissamut allattorsimaffimmi ”Informationen kan suppleres med punktskrift, lyd, piktogrammer etc. (Paasissutissat tappiitsunut naqinnernik, nipinik, piktogramminik il.il. ilaneqarsinnaapput)”, taana kapitali 10, naggatit 3.2.1. imm. 3-imi BR-imit innersuussutigineqarpoq. Misissuinissamut allattorsimaffik uani takuuk:http://bygningsreglementet.dk/br10_04_id52/0/42
Tappiitsunut naqinnerit (nunani tamalaani Braillemik taaneqartartut) tappiitsut isigiarsuttorujussuillu allariaaseraat atuariaaseralugillu, allattariaaseq immikkut ittoq inussat nuuinik attuuallugit atuarneqarsinnaasoq. Allatat tappiitsut naqinnerinut allanngortinneqaraangata inuup tappiitsup naqinnernik taakkuninnga ilinniarsimasup allanik ikiorteqarani atuarsinnaalersarpai. Danskisut taaguutaa ”punktskrift” naqinnerit, ilisarnaatit kisitsisillu tamarmik toorniusanik portusisanik arfinilinnik tunngaviusumik figureersuunerannut (iluseq) aallaaviuvoq.
Tappiitsunut naqinnerit akuleriiaat naqinnernut sunut ilisarnaataassanersut nunani tamalaani aalajangersarneqarnikuuvoq, kisianni tamatuma saniatigut tappiitsunut naqinnerni nunani oqaatsit malillugit allanneqartarput. Inup tappiitsup tyskisut atuarsinnaananilu allassinnaanngitsup aamma tyskisut tappiitsunut naqinnerit atuarsinnaassanngilai. Allatanut naqitanut sanilliullugit tappiitsunut naqinnerit initoqimmata oqaatsinut oqaaseqatigiinnullu assigiinngitsunut siumoortumik naalisaanerit atorneqartarput, tamakkulu aamma nunamiit nunamut allanngorartuupput. Allagartarsuarnili tappiitsunut naqinnerit atorlugit allatat naalisagaaneq ajorput.
Inuit ikittuinnaat tappiitsunut naqinnernik atuarsinnaapput. Kisiannili poortuutissat, allagartarsuit il.il. nalunaaqutsersukkat inunnit isiginiarnermikkut ilungersunartunik isimikkut nappaatilinnit atuisartutut atuilersinnaapput. Dansk Blindesamfundimi ilaasortanit 9.000-iusunit ikinnerpaamik 1.000-it missaat tappiitsunut naqinnernik iluaquteqarsinnaapput, uffa tappiitsut isigiarsuttullu atuarsinnaanngitsut allatut pillutik naqinnerit reliefit iluaqutigisinnaagaat.
Allagartarsuit tappiitsunut naqinnernik allannillit tagiartornissaat naleqquttuunissaallu eqqarsaatigalugit inussat nuuinik attuuallugit atuarneqarsinnaanngorlugit inissinneqartariaqarput. Taamaattumik allagartarsuit taamatut ittu pukkippallaamut (assersuutigalugu siffissat nalaannut) portuallaamulluunniit (assersuutigalugu natermiit 160 cm-init portunerusumut) inissinneqassanngillat, tassami allattaaseq Braille inussat uuinik attuuallugit atuarneqartarmat, inussallu akornuteqartinnagit aamma assaat equsaartinnagit inissillugit.
Ilusilersukkat tikinneqarsinnaasut/pissarsiarineqarsinnaasut, allagartarsuarni tappiitsunut naqinnernik, atortunik nalunaaqutsersuinernillu atuinerit pillugit DS/ISO standard 17049-imi ilisarnaatit, titarnerit imminnut ungasissusiat aamma toornerit annertussusiat, tassungalu ilanngullugu portussusiat, ataasiakkaat akornanni toornerit imminnut ungasissusissaat pillugit uuttuuteqarpoq.
Toornerit tappiitsunut naqinnernut tunngaviusut pingaarnertut angissusissaat, kisitsisit il.il. imatut uuttuuteqarput:
Toornerit angissusiat:
Tukimut (tunngavimmminut tukimut takissusia): 1,0-1,7 mm
Toornerit portussusiat: 0,3-0,7 mm
Ilusaat: akunnaallisillugit (aamma manissuunanilu inngigissuunngitsoq)
Matriksip iluani toornerit imminnut ungasissusiat (ilisarnaatit):
Manissumit imminnut ungasissusiat: 2,0-2,8 mm
Qummut imminnut ungasissusiat: 2,0-2,8 mm
Ilisarnaatit marluk akornanni ungasissuseq ilisarnaatip aappaani 1-ip aamma ilisarnaatip aappaani ilisarnaatip 1-ip aamma ilisarnaatip tulliani akornanni ungasissusiannik nassuiarneqartarpoq: 5,1-6,8 mm
Titarnerit imminnut ungasissusiat (ilisarnaammi toornerup 1-ip titarnerullu ataani ilisarnaammi toornerup 1-ip akornanni ungasissuseq): 10,0-15,0 mm.