Ilioqqaaneq naqiterinerlu
Allagartarsuarnut allatanullu naqitanut ilioqqaanermi pissutsit aamma taakku atuupput.
Kisianni pissutsit immikkorluinnaq ittut aamma atuupput, tassami atuarnissamut ungasissuseq nalinginnaasuminngarnit ungasinnerujussuummat. Tamanna ilaatigut naqinnerit ilusaannut pingaaruteqarpoq. Naqinnerit angissusiat atuarfissap ungasissusianut tamatigut naleqqussarneqartassapput.
Matuma ataani takussutissat inunnut nalinginnaasumik tappissusilinnut allagartarsuarni naqinnerit angissusiat takutinneqarput:
|
Atuarluni ungasissuseq meterinngorlugu |
Versal x-portussuseq (mm) |
Allagartarsuup portussusia (mm) |
|
3 |
15 |
30 |
|
5 |
25 |
50 |
|
6 |
30 |
60 |
|
10 |
50 |
100 |
|
12 |
60 |
120 |
|
15 |
75 |
150 |
|
18 |
90 |
180 |
|
20 |
100 |
200 |
|
24 |
120 |
240 |
Uani kisitsisit ikinnerpaaffimmikkut nalingi takuneqassapput.
Soorlu takutinneqareersoq inuup nalinginnaasumik tappissusillip meterinik pingasunik ungasitsigisumit atuarniarpagu naqinnerit angissusii 15 mm-it atorneqartariaqarput.
Inunnulli isiginiarnermikkut innarluutilinnut x-it portussusissaasa mikinerpaaffissaat anginerumaat atorneqarnissaat siunnersuutigineqarpoq. Akerlianilli qanoq angitigissanersut eqqoqqissaartumik oqaatigiuminaapput. Sanileeriiaat »Læseafstand i meter«-imut (Atuarnissamut ungasissuseq meterinngorlugu) trininik marlunnik apparneqarnissaa siunnersuutigineqarsinnaavoq, taamaalilluni meterinik pingasunik ungasitsigisumit atuarneq versal X-imik portussuseq 30 mm-iulluni. Taanna figur 6-imi takutinneqarpoq:
Titartakkap oqaasertai: Titartakkami titarnerup y-p qummoortup versalimik portussusia mm-iusoq aamma atuarnissaq meterinik qanoq amerlatigisunik ungasitsigisumiit atuarneqarsinnaanera titarnermi x-imi takutinneqarpoq.
Naqinnernik sans serifinik ersarissunik atuinissaq nalinginnaasumik siunnersuutigineqarpoq. Allagartarsuarni aamma iluaqutaasumik naqinnerit soorlu Helvetica Medium atorneqarsinnaapput.
Oqaatsit akunneqartinneqaratillu ataasigut titarneqassanngillat. Oqaatsit takissusii aamma pingaarutilinnik paasissutissiisuupput. Versalit naqinnernut aallarniutinut oqaatsinullu naatsunut atorneqarsinnaapput, uffa oqaatsit takisuut naqinnernik nalinginnaasunik allannilli, minuskler, atuaruminarnerujussuussasut. Allagartalersualersornerni versalit minusklerillu atuakkanik naqiterinertulli atorneqassapput. Oqaatsit assiliartaasa taakku atorneqarnissaat pineqarpoq, soorlu nalinginnaasumik atuarnermit ilisimagivut.