Home /  mærkesager /  undervisning og uddannelse / 

Ilinniartaaneq atuartitaanerlu pillugit ISI-mit imatut isumaqartoqarpoq

Kalaallit Nunaani inuiaqatigiit ullumikkut ilisimasaliupput aamma siunissami ilisimasanik inuussuteqarsinnaassaagut unammisinnaassallutalu. 
Taamaattumik meeqqat inuusuttuaqqallu atuartinneqarnissaat ilinniartinneqarnissaallu pingaaruteqarluinnarpoq.

Meeqqat inuusuttuaqqallu tappiitsut isigiarsuttorujussuillu taamatut ilisimasaqalernissaminnut allatulli piumassuseqartigipput. Taamaattumik uagut inuiaqatigittut meeqqat tamakku meeraqatimisut tappissutulli inuiaqatigiinni peroriartornissaminnut suleqataalernissaminnullu periarfissaqarnissaat qulakkiissavarput.

Inuuneq naallugu ilikkagassanik sammisaqarsinnaaneq aalajangiisorujussuuvoq, taamaalillutik kikkulluunniit innarluutaat apeqqutaatinnagit assigiimmik atugaqarlutik ilinniartitaaqqinneqarnissaat inersimasutullu ilinniartitaanissaat qulakkeerneqassapput.

Taamaattumik tullinnguuttut makku kissaatigaavut:

  • Nuna sillimmataasivimmik ilisimasanik pingaarutilinnik katersuiffissamik pilersitsisoqassasoq aamma tappiitsunik pitsaasumik siunnersuisarnissat qulakkeerneqassapput.
  • Meeqqat atuarfianni atuartut isiginiarnermikkut innarluutillit inaarutaasumik misilitsittarnissaat qulakkeerneqartariaqarpoq, tassami tamanna iliniagaqaqqinnissamut tunngaviummat.
  • Meeqqat atuarfianni atuartut tamarmik eqqortumik atuartinneqarlutik tapersersorneqarnissaat qulakkeerneqartariaqarpoq, assersuutigalugu atuaqatigiinnut tamanut iluaqutaasumik ilinniartitsisunik tapersersorteqartitsisoqarluni. Taamaalillutik meeqqat tappiitsut atuaqatiminnik atuaqateqaannarsinnaallutik, kisimiillutik atuartinneqaratik.
  • Meeqqat atuarfianniit inuusuttut ilinniartitaanerannut ilinniagaqaqqinnernullu ikaarsaariarnerit qitiutinneqassasut. Suliniuteqarnikkut inuusuttuaqqat suliffittaarnissamut periarfissat pillugit eqqortunik ilisimasaqalernissaat qulakkeerneqassaaq aamma ilinniakkaminnik naammassisaqarusunnerannik tapersersorneqassapput.
  • Meeqqat inuusuttuaqqallu tappiitsut isiginiarnermikkullu innarluutillit atuaqatigiit ataatsimoornerannut tamakkiisumik akuutinneqassasut aamma naligiissunik avatangiiseqalernissaq isumagineqartassasoq.
  • Atuartut ilinniartullu isiginiarnermikkut innarluutillit atualernerni / ilinniakkami semesterimik aallartinnermi atuartitsissutinik akornuteqanngitsumik atuisinnaassasut, taamaalillutik kammalaatitillu / suleqatitillu assigiinnik atugassaqarniassammata.
  • Atuartut ilinniartullu sakkussanik piginnaanngorsaataasunik pisariaqartinneqartunik peqartinneqarnissaat qulakkeerneqassasoq, tassunga ilanngullugu namminerisaminnik allattaaseqarnerat (tappiitsunut naqinnerit), taamaalillutik isiginiarnermikkut innarluutillit inunnik allanik attaveqarniarnerminni peqateqarnerminnilu akornuteqannginnerussammata.
  • Ilinniaqqiffinni ilinniartut innarluutilinnut tapisiaqartinneqassasut, taamaalillutik ilinniakkaminnik naammassinnissinnaaniassammata, isiginiarnikkut innarluuteqarneq pissutigalugu ilinniagaq sivitsorneqariataassappat.
  • Inuusuttuullutik ilinnigaqarnerminni kingusinnerusukkullu piginnaanngorsaataasunik atortorissaarutinik ajornanngitsumik allaffissornertaqanngitsumillu pissarsisassasut ilinniagaqarnersiuteqartinneqarlutillu.

 

INNERSUUSSAT ATTUUMASSUTILLIT:

Synscenter Refsnæs-ip nittartagaa

Instituttet for blinde og svagsynedes-it nittartagaat

FN-ip innarluutillit pillugit isumaqatigiissutaataa immikkoortoq 24 ”ilinniartitaaneq"