Aningaasaqarneq
Tappiitsutut isigiarsuttorujussuartulluunniit immikkut ittumik aningaasartuuteqartarsinnaavutit. Pisiniarninni angalaninniluunniit. Imaassinnaavoq telefonimik qarasaasiamilluunniit tappiitsunut isigiarsuttunulluunniit immikkut atortorissaarutilimmik iluaquataasinnaasumik pisariaqartitsisutit. Imaassinnaalluarpoq ulluinnarni attaveqarniarninnut ikiortigilluassagitit.
Tappiitsutut isigiarsuttorujussuartulluunniit tamakkununnga aningaasartuuteqarninnut tapiiffigineqarnissannut qinnuteqarsinnaavutit. Pissassarfimmut ISI-mulluunniit nioqqutissanik qanoq ittunik nassaasaqarnersoq pillugu paasiniaasinnaavutit. Kommunemut qinnuteqaruit atortumik ikiorsiissummik tassaniaasit pingaaruteqarpoq mærki iluserlu sunarpiaanersoq erseqqissumik nalunaarutigissallugu. Kommunep akuttusoorujussuarnik atortut ikiorsiissutit nutaat suuneri malinnaaffigisarmagit.
Siusinnerusukkut oqaatigineqareersutut kommune pisussaavoq siunnersussallutit nassuiaatissallutillu. Aammattaaq siusinnerusukkut oqaatigineqareersutut kommunemi sullissisut suut nutaajunersut ilisimasaqarfigisanngilaat. Taamaattumik pingaaruteqarpoq allanut paasiniaaqqaalaarnissaq. Soorlu ISI-mut Pissassarfimmulluunniit.