Home /  mærkesager /  kultur og fritid /  punktskrift /  livet med punktskrift /  punktskrift i stilhed / 

Tappiitsunut naqinnerit nipaatsumi

Piffissaq takorlooruk. Eqqarsarnissamut, itisuumik eqqarsarnissamut ilassiornissamullu piffissaq. Piffissameerusupputit, maannakkumiillutit, pitsiaaserlutit, taalliaaserlutit. Taava daysiafspillerit ikippat angutillu nipaata pitsiaq nipitalerpaa. Aija, nipaassuseq kipitinneqarpoq. Nipip atuaasup ilunni assiliaatitit aserorpai - Ilaanneeriarluni nammineerluni atuarlunilu nassuiaasarluni pitsaanerusarpoq. Taamatut Thorvald Kølle ilanngutassiami uani Dansk Blindesamfunds medlemsbladimi ilanngutassiarineqarsimasumi oqaluttuarpoq.

Allattoq Thorvald Kølle, Roskilde

Nukappiaraallunga ilinniartuuvunga, aamma massakkut ilinniartuuvunga, pinngortitamik. Unnuakkut angajoqqaama naatsiivianni atuakkanik tappiitsunut naqinnernik naqinnilinnik atuartillunga naatsiivimmi nipaalluinnassuseq "tusarnaartarpara".

Nipit arriitsumik tassanngaannarluunniit nipaannermit takkuttut malinnaaffigisinnaavakka. Assersuutigalugu qitsuit pinnguarlutik attortaannerat, ilaquseq nerisassarsiuutigaluni sorlussuutigalunilu naatsiivikkoortoq, timmiaq akornuserneqaraagami orpimmut allamut nuuttartoq imaluunniit timmilluni qimaguttartoq. Pinngortitami arlaannik pisoqarneri tamaasa assamma inuaasa ilaat atuakkami unittarpoq eqqumaffigisarlu allanngortarluni. Aammattaaq atuakkami immikkut ittumik oqaaseqatigiit eqqarsaatigineqartussanngoraangata inuaq unittarpoq, utertarpoq atuaqqillunilu.

Nammineerlunga taallianik atuarsinnaagama inunnillu allanit pitsiamik uattulli paasinninngitsunit pitsiamik atuffatsinneq misigisussaanngilara. Eqqarsarnikkaat atuakkiaannik atuartillunga aamma unillatsiarneq, atuagaq eqqarsaatigalugu nipaatsumik issiarusaarneq, inuaq utertillugu atuaqqilertarneq aamma pitsaasuusarpoq.

Ukiualuit matuma siorna braille litetaarama isummersorneqaruttorama atuakkiarsuarmik atuakkiorpunga. Taanna nipaannerup ikiuunneranut pigitippara.

Atuakkanik atuffassissutigineqartunik tusarnaarneq allarluinnaavoq, taanna aamma atussallugu ajorinngilara, kisianni itisuumik eqqarsarnialeraangama nipaannermi tappiitsunut naqinnerit atortarpakka. Soorunami inuttulli allatut suliassat, eqqaamasassat pisiassallu allattortarpakka, kisianni tappiitsunut naqinnerit atorlugit allattarpakka.

Gerhard Kaimerip atuakkiaanit Blindhedens Verdenimit (Tappiitsuunerup Silarsuaanit) naggasiilaarlanga: Louis Braillep tappiitsut pillugit oqaluttuami suliniutaa naliitsuuvoq. Suliniut ima annertutigisoq allaat uagut tappiitsuusut sukkulluunniit eqqaamajuagassarput. Tappiitsup silassorissorujussuup aamma inuup anersaakkut inuunermik ujaasisup kisimi paasisinnaasaa pilersippaa. Toorninnguanit ataasiakkaanit nunarsuarmi tamarmi anersaakkut inuunerit tamaasa inussatta ataanut aavai.