Home /  mærkesager /  kultur og fritid /  tv, radio og film /  ny film med synstolkning fra den 22. januar 2015 / 

2015-imi januaarip ulluisa 22-anniit filmi nutaaq tappiitsunut nipitalersugaq takuneqarsinnaalissaaq

Filminik nuannarisalinnut tamanut nuannersumik nutaarsiassaqarpoq. Susanne Bierimit filmi nutaaq , ”En chance til”, tappiitsunut nipitalersorneqarsimavoq. Taamatutu nipitalersorneqarnera appimi MovieReadingimi 2015-imi januaarip ulluisa 22-anniit aaneqarsinnaalissaaq. Atortumik taassuminnga atuinikkut nunami tamarmi filmertarfinni tamani takuneqarsinnaavoq.

Filmi isiginnaagassiaavoq imatullu taaguuteqarluni: ”En chance til”. Filmimi inuttaasut ilaatigut tassaapput Nikolaj Coster-Waldau, Ulrich Thomsen aamma Nikolaj Lie Kaas.

Filmiliortitsisoq nammineerluni filmimi pisut pillugit imatut oqaluttuarpoq:

Filmi ”En chance til” inuit piviusut pisunit imminerminnit nakuunerusunit tassanngaannaq eqqorneqartunut tunngavoq.

Politiit Andreas aamma Simon assigiinngitsorujussuarmik inuusaaseqarput. Andreas ilaquttani ilagalugit pilluartuuvoq, kisianni Simonip piffissaq annerpaaq najukkami atisaajarluni isiginnaartitsisarfimmi atortarpaa. Kisianni ullut ilaanni aappaariit imminnut kaporlutik ikiaroortartut angerlarsimaffianni eqqissiviilliornernut aggersarneqarmata inuunerat allanngorluinnarput.

Andreasip aappariit naalugiarsuutaata sumiginnagaasup nassaarinissaata tungaanut suliassaq nalinginnaasoorpasippoq. Andreas soriarsinnaajunnaarpoq, piffissallu ingerlanerani naapertuilluarnermik salliutitsiunnaaraluttuinnarmat Simon oqimaaqatigiissitsisussanngorpoq.”

Tappiitsunut nipitalersugaq appimut MovieReading-imut inissinneqassaaq. FappiiiPhone-imi App Store-mit akeqanngitsumik aaneqarsinnaavoq. Appi aamma Google Play-imi Android-formatinngorlugu aaneqarsinnaavoq.

Tuugassap uuma ataani ”market” filmi sorleq tappiitsunut nipitalerlugu takorusunnerlugu toqqarsinnaavat nipitaalu aallugu. Filmertarfimmut filmeriannginnermi, patajaatsumik internettimut attaveqartumi, nipitaata aaneqarnissaa siunnersuutigineqarsinnaavoq.

Filmertarfimmi tuugassap uuma ataanut pissaatit, ”my movies” taavalu filmi takorusutat toqqariarlugu ok toorlugu. Filmip nipitaa filmimi pisunut naleqqussarniarlugu oqarasuaatikkut filimip nipitaa issariarnerni arlalinni naalaaqqaarneqassaaq.

Appimi imaluunniit MovieReadings-ip nittartagaani sukumiisumik ilitsersuut atuarsinnaavat: www.moviereading.com

Filmimut ”En chance til”-imut tappiitsunut nipitalersuillu atuaasuuvoq Dorthe Mikkelsen Hansen. Taanna ilaatigut filmimik Forbrydelsen-mik nipitalersuilluni atuaasuunini pissutigalugu ilisimaneqarpoq.