DR-imit tusagassiuutinut nalunaarut: TV-kkut aallakaatitassiat allagartaat oqalussinnaalerput
Tv-kkut allamiut oqaasii atorlugit oqaluttoqartillugu aamma tamakku allagartalersorneqalerpata danskit millionit affaat sinnerlugit malinnaasinnaajunnaartarput.
Inuit ilaasa allagartat takusinnaanngilaat aamma ilarparujussui pisariaqartinneqartumik sukkassusilimmik atuarsinnaanngilaat. Maajip ulluisa qulinganni sisamanngornermiit DR1-imi tamakkut tamakkerlugit tusaaneqarsinnaalissapput. Maannakkummi allagartat atuffassissutigineqartut naalaarneqarsinnaalerput.
"Tv-kkkut allamiut oqaasii atorlugit aallakaatitassiat innuttaasut ilarpassuisunut qaangerneqarsinnaanngitsutut aporfiupput. Neqeroorutit nutaat tamakku inunnut tamakkununnga periarfissanik nutaarluinnarnik ammaassiffiujumaartut qularutiginngilara," DR-imi atorsinnaassutsit pillugit aaqqissuisoq, Heide Sivebæk, oqarpoq.
Qarasaasiap nipaanik atuffassisoqartarpqoq, tassanilu aallakaatitassiami allagartat takkuttullu arnaq atuffassilersarpoq. Allagartaanik oqaasertalersukkat DR1 Synimi takuneqarsinnaapput - kanali immikku tittoq DR1-imi aallakaatinneqartartut assiginik aallakaatitsisartoq, immikkulli ittumik nipimut kanaleqarpoq.
Allagartat oqaasertalersukkat sisamanngormat nal. 18.30 TV-Aviisikkut atoqqaartinneqarput, tamatumani TV-Aviisimi ilanngutassiaq allamiut oqaasiinik oqaasertalik siulleq aallartinneqaraangat qarasaasimi nipi atuffassilersarpoq.
Ilisarnaammik atoqqaartitsineq
"TV-Aviisikkut atoqqaartitsinerput eqqarsaatiginninnerulaarpoq. DR-imi suliassat pingaarnerpat ilaat tassaavoq kikkut tamat oqartussaaqataanerat tunngavigalugu aqutsiffiusumi innuttaasut iliuuseqarsinnaanerisa nukittorsarnissaat, tassami assersuutigalugu TV-Aviisikkut allamiut oqaasii atorneqarnerisa tamaasa peqataanngitsooraanni taava ilisimasarpassuarnik annaasaqartoqarsinnaavoq," Heidi Sivebæk oqarpoq imatullu ilasilluni:
"Tamanna ilutigalugu nunani allamiut filimiliaannut, piviusulersaarusiaannut allarpassuarnullu tamakkiisumik peqataasinnaalerneq isiginnaarnermik suli nuannernerulersitsivoq. Suleqatit pinerluttulersaarut DR1-imi takusimasartik eqqartuinnavippassuk taava eqqartueqataanissap nammineerluni toqqarsinnaanera immineq pingaaruteqartuuvoq," Heidi Sivebæk oqarpoq.
Taassuma allagartat atuffassissutigineqartut tamakku Danmarkimut nunaseqqaanut aamma meeqqanut atuarnialeqqaanut iluaqutaasorujussuusinnaasut tikkuarpaa.
'Ajornanngilaq' aamma nassaassaavoq
Allagartat atuffassissutigineqartut tamakku atuarniarnermikkut ajornartorsiuteqartunut naleqqussakkat DR-imit neqeroorutituaanngillat. dr.dk/ligetil-imi oqaatsini paasiuminartuni ersarissunilu ullup unnuallu ingerlanerani nutaarsiassat pingaarnerpaat naalaarneqarsinnaapput. Quppernermi oqaatsit ilisarnaatip matumap ataani `Nyheder, der er lettere at læse´ allanneqassapput aamma ilanngutassiat nipituumik soorunami atuffassissutigineqarsinnaapput.