Atortussat (malugisinnaassuseq)
Atortussat assigiinngitsut avatangiisinik pilersaarusiornerni inunnit isiginiarnermikkut innarluutilinnit atorluarneqarsinnaapput. Atortussat assigiinngitsunik manissortallit qalipaatillillu avatangiisinullu immikkoortilluarneqarsinnaasut, ilaatigut atuuffinnik pingaarutilinnik navianartunillu nalunaarutiginninnernut atortut (eqqumaffiginnilluarfissat), atortaraanni inuit isiginiarnermikkut innarluutillit avatangiisiminnik atorluaanerusinnaapput.
Arlaat manissoq assigiinngitsunik ilusilik, angissusilik qalipaatilillu assersuutigalugu matumik sumiiffimilluunniit immikkut atuuffilimmik suussusersinermut atorneqarsinnaavoq – assersuutigalugu qimuttuitsut unittarfianni bussillu unittarfiini bilitseerniarfinni. Natersuit natermut aalajangikkat aalajagingaanngitsullu illup iluani malugalugit sumiissusersinissamut iluaqutaasinnaapput. Tummeqqanili nakkarfissaqartuni eqqumaffiginniffissat ikkussat tamatigut atorneqartassapput, tassami misilittakkat malillugit tamakku ersarinnersaagamik.
Naternut qalliutitut atortussat assigiinngitsut soorlu linoleumit, kummit, fliserit, ujaqqat, natersuit qisuillu atorneqarsinnaapput – atortussat tamarmik malugineqarsinnaasut nipaallu assigiinngitsut. Aqquserngilli, nalinginnaasumik aqqutit inersuarnilu torsuusat ammasut qaavi attuuallugit assigiinngitsuusut malugineqarsinnaasut qalipaataallu natip qalipaataanit allaanerusut malunnartunngortinneqarnissaat pingaaruteqarpoq. Inini angisuuni ammasuni titarnerit najoqqutassat atorneqartariaqarput. Ledelinjer og opmærksomhedsfelter (Titarnerit najoqqutassat eqqumaffiginniffissallu) takukkit.
Avatangiisini atortussat assigiinngitsorpassuit paatsiveerunnarsinnaanerat eqqumaffigineqartariaqarpoq. Peqquteqartumik pequsersuineq atortulersuinerlu inip aaqqissunneqarneranik tikkuussisuusinnaaput aammalu inummut isiginiarnermigut innarluutilimmut aqqutikkut eqqortukkoorneranik paasissutaasinnaallutik. Pequtit torsuusallu immikkoortunut agguataaraanni iluaqutaasinnaavoq.
Sumiissusersiornermut atortussat assigiinngitsut atoraanni takusassavit malugisavit assigissagaa pingaaruteqarpoq. Iikkami gipsiusumi qarmassiami tapeti piviusuunngitsunik takutitsisuuvoq.
Atortussat qillertut atortariaqanngillat. Atortussat qillertut qaamanermik utersaartitsisarput akornutaasumillu inngiasutsitsisarlutik. Tarrarsorfigineqarsinnaasunik angisuunik atuinerit inip annertussusianik paatsiveerutsitsisarpoq.
Titartakkap oqaasertai: Titartakkami atortussat manissullu assigiinngitsut takutinneqarput .
%MCEPASTEBIN%