Allagartarsuit attorlugit atuarsineqarsinnaasut
Allagartarsuit naqinneri attorlugit atuarneqarsinnaasut
Tappiitsut isigiarsuttullu allagartarsuarnik takunnissinnaasut taakkua allagartaasa naqinnerinik immikkoortitsisinnaanngitsut paasissutissanik atuarsinnaassappata allannerisa naqinneri versalini qullakkanik allattoqarsinnaavoq. Tamakku tassaapput naqinnerit qullakkat, ilisarnaatit kisitsisillu. Kisiannili Basrelief, tassa imaappoq naqinnerit appakkat, ilisarnaatit kisitsisillu atorneqassanngillat. Isigiarsuttut atuarsinnaanngitsut tappiitsullu naqinnernik reliefinik iluaquteqarsinnaapput.
Allagartarsuit allannerisa naqinneri attorlugit atuarneqarsinnaasut iikkani manissuniittut atuaruminaassinnaapput. Allagartarsuarmili paasissutissat naqinnernik 45 gradinik uingatigisunik allannillit atuaruminarnerusarput.
Allagartarsuit aamma, attuumassuteqarfiini, tappiitsunut naqinnernik allassimassapput. Una aamma takuuk Punktskrift (Braille) på skilte (Allagartarsuarni tappiitsunut naqinnerinik allatat (Braille) . FN-imi Innarluutillit pillugit isumaqatigiissummi 2006-imi akuersissutigineqartumi aamma Danmarkimit nunatsinnillu akuerineqartumi tikikkuminassutsit pillugit malittariassat arlallit allassimapput. Tamakku pisortat namminersortullu atortorissaarutinik neqeroorutinillu neqeroorutigisussaatitaavaat aamma kikkunnut tamanut ammapput tunniunneqarsinnaallutilluunniit. Aamma una takuuk: http://bygningsreglementet.dk/br10_04_id52/0/42
Titartakkap oqaasertai: Titaratakkami naqinnerit triangulærit rektangulærillu tappiitsunut naqinnerisa takussutissartaat takutinneqarput. Tamakku atorlugit allatat naatsuuppata kisitsisilluunniit ikittuinnaappata siuliani taaneqartut atussallugit orniginarnerussapput. Allatalli takineruppata triangulærit atorneqartariaqarput.
Helvetica Mediumimik allatat assersuutigalugit allagartarsuarnut naqinnerit attorlugit atuarneqarsinnaasunik allannilinnut piukkunnartuupput, tassami naqinnerit taamatut ittut naqinnernik attorlugit atuarneqarsinnaasunik ilallugit atuaruminarnerusarmata.
Allagartarsuaq inussanik attorlugit atuarneqarsinnaasutut siunertaqarfigineqartoq nassaariuminartuussaaq iluamillu inissitaalluni aamma atuartussap tikivissorsinnaasariaqarpaa.
Inuit isigiarsuttorujussuit saaffiginnittarfinni, ataatsimiittarfiit, tamakku sumiinnerannik, ullormut sutortoqarnissaanik paasissutissiissutaasunik allagartarsuarnik bulletinbordinilluunniit iluamik takunnissinnaanngillat. Taamatut pisoqartillugu allatut ajornartumik saaffiginnittarfimmi sulisup ingiaqatigisalluunniit isigisup isigiarsuttoq atuffattariaqarpaa. Tamatumani allagartarsuup eqqaani toortakkamik toorsiinnarluni imaluunniit smartphonemi atuffassissutitalimmi appimik aallartitsinikkut atuffatsittoqarsinnaavoq.
Teknikkikkut ineriartornerup aaqqiissutissatut taaneqartoq ajornartinngilaa, kisianni eqqoqqissaartumik aaqqiisoqarnissaanik maannakkorpiaq siunnersuisoqarsinnaanngilaq.