Home /
mærkesager /
transport /
Aqqusinertigut angallanneq
Inuttut tappiitsutut isigiarsuttorujussuartullu aqqusinertigut angallanneq - tassa aqqusinerigut angalalluni sumiiffimmiit sumiiffimmut allakarsinnaaneq - unammillernartunik suliassartarpassuaqarpoq.
AQQUSINERIGUT ANGALLANNERMI SULIASSAT UNAMMILLERNARTUT
- Bussertoqarsinnaavoq taxartoqarsinnaalluniluunniit, amerlanertigut kinguaattoorluni imaluunniit taxat tamarmik atorneqartillugit.
- Avatangiisini ilisarisimalluakkani ajaappiaq qaqortoq qimmerluunniit tasikumiartagaq iluaqutigalugu sungiussisimalluni angalaartoqarsinnaavoq.
- Aqqusineq ilisimalluareersimagaanni, aqqutissaq sukumiisumik oqaluttuarineqarsimappat imaluunniit isigiarsutsuungnitsoq aqqutissamik aperisinnaagaanni bussit unittarfianniit ornitassamut pisunneq periarfissatuaasarpoq.
Periarfissat killilerujussuupput. Tamatuma saniatigut ukiuni kingullerni nammineerlunim angalaarneq suli ajornarnerulersimavoq. Pissutaasut ilaatigut tassaapput:
- Aqqusinertigut angallattut amerlinerat
- Sikkilit pisuinnaallu aqqut avillugu atoraat
- Aqqusinerni pisuinnaat ikaarfissaat nipimik kalerriisartulik
- Piffissani assigiinngiaartuni pisuinnaat aqqutaanni pigisat arlallit, niuertarfiit saanni il.il. (pisuinnaat aqqutaat ullaakkut inoqanngitsoq ualikkut sikkilinit, allagartarsuarnit il.il. asserneqarsimasinnaavoq)
- Nipiliornerujussuaq sumiissusersiornissamut akornutaasoq
Bussini suliassat unammillernartut ilaatigut tassaapput:
- Bussini amerlanerpaani bussit unittarfiannut imminut isumagisumik nalunaaruteqartannginnerit aamma bussinik ingerlatsitsisup bussit unittarfiat tikilerlugu nalunaaruteqartannginnera, naak siumut taamaalioqqullugu qinnuigisimagaluarlugu
- Bussit akuttusuumik takkuttarnerat - ingammik illoqarfiit anginerusut avataanni - angalaarnissamut killiliisorujussuupput
AQQUSINERIGUT ANGALLANNERMI APORFISSAT
Aqqusinertigut angallannermi tapiitsut isigiarsuttorujussuillu aporfissaat sukumiisorujussuarmik uppernarsarneqarsimapput. Misissuinerit tullinnguuttut uku takutippaat:
- Isiginiarnermikkut innarluutilinni kiserliorunnaarnissaq, sulinissaq, inuit akornanniinnissaq, kulturikkut aamma neqeroorutini inooqataanerit kissaatigineqarujussuit naammaginartumk akilinnik eqaatsumillu inuillu ataasiakkaat atugarisaannut naleqqussakkanik angalanneqarsinnaannginnermik annertuumik akornuserneqartut
- Illoqarfiit angisuut avataanni killeqanngitsumik angalanissat akornuteqarnerusut
- Bussit taxallu atorlugit aqqusinertigut angallannerit piffissaajaataasorujussuusoq, ilaatigut bussinut allanut ilaaniarluni utaqqisarnerujussuit il.il.
- Isiginiarnermigut innarluutilik angerlarsimaffimminit suliffimminut angerlarsimaffimminiilluunniit kulturikkut neqeroorutinut assigisaannulluunniit bussit taxalluunniit atussagunigit tamakku aningaasartuutitalerujussuusut.