Sulianik aaqqiissutissanut siunnersuutit pitsaasut pingasut
Kigutinut qaqorsaat inussannut tarnuguk
Isigisinnaanngikkaanni kigutigissarneq ajornakusoorsinnaasoq inupassuit qularnanngitsumik eqqarsaatigisanngilaat. Kisianni tulliani kigutigissaleruit sikornerlutit misiliguk. Taava tamanna ajornaatsuinnaanngitsoq sukkasuumik paasissavat. Tassami kigutinut qaqorsaat suua? Kigutinut qaqorsaat oqummiutiinnarsinnaavara, kisianni qaqorsaat inussamut tarnussinnarlugu oqummiullugu aamma periarfissaavoq. Taava uffarfik tamaat qaqorsaatiternagu kigutigissariaannanngortoqassaaq.
Oqarasuaatit normui ersarissut
Arriitsuararsuarmik isigiarsukkiartortoqalersinnaavoq. Amerlanertigut tamanna namminerluunniit malugineqassasoq ilimananngilaq, kisianniuna tamanna avatangiiserisat takusaraat. Ullut ilaanni oqarasuaatit normui najukkallu allassimaffii atuarsinnaajunnaarneqartarput - aamma siusinnerusukkilli aakajaanngorlugit allassimagaluaraanniluunniit. Taamaalilluni ajasoornartaqaaq. Inunnut isigisinnaasunut eqqumiikkaluarpoq, kisianni naqinnerit 50 angullugit angissuseqartut iluaqutaasorujussuusinnaapput. Arriitsumik tappigeriartulerama billedflipalbum assorujussuaq iluaqutigaara, assit ikkussuunnagit taanna oqarasuaatit normuinut najukkanullu pappialaminernut allattuiffigalugit atorpakka. Allaammik qernertumik silittumik allattartumik naqinnernik angisuunik allanneqarunik pitsaanerpaassaaq aamma illua´tungai tamaasa paasissutissanik allaffigigaanni pitsaassaqaaq. Tamanna ataatsimoortumik takunissinnaalersitsisarpoq!
Qioriarnikkut atisavit qalipaatai takukkit
Qangatut tappippallaarunnaartoqarpoq. Tamanna atisani qalipaatinik immikkoortitsiniarnermut ajornarsinnaasarpoq, allaammi ajornavissorsinnaasarluni. Kisianni tappiitsutut isigiarsuttutulluunniit sungiusalaaraanni atisani annoraaminerniluunniit atorneqartuni assigiinngissutsit annikitsut sukkasuumik immikkoortinneqarsinnaalersarput. Kisianni amerlanertigut assigiinnik kiateeraqaraanni qarleqaraanniluunniit ajornarsisinnaasarpoq. Ukiopassuit matuma siorna atisat taarnersaanni atisanik errorsinissamut allagartaarannguaq qiorlugu piissaginga paasitinneqarpunga. Siunnersuutip taassuma taamanili malilerpaanga, aamma akeqarani atorsinnaasorujussuuvoq.
Paasissutissat atorneqarsinnaasut
Anette Bjerre Dansk Blindesamfundip pikkorissartitsisarfiani, Fuglsangcentret, Fredericiamiittumi pikkorissartitsinernut aqutsisuuvoq. Tassani ilaatigut 1993-imiilli tappigeqqaanik ilinniartitsisuusimavoq. Ullumikkut Anette isigimigut nappaatip, retinitis pigmentosa, malitsigisaanik tappigivissorsimavoq, aamma ulluinarni pigisat suut qinngarnarsinnaallutillu suut atorsinnaasut nalunngilai.