Home /  mærkesager /  kultur og fritid /  tv, radio og film /  dr synstolker og tegnsprogstolker en række danske dokumentarer / 

DR-imi danskit piviusulersaarutaat arlallit oqaasertalersorneqarput aamma allagartaat atuffassisunngortinneqarput

Danmarks Radiomi ukiuni kingullerni tv-kkut piviusulersaarutit oqaasertalersukkat allagartaallu atuffissinertallit amerlisinneqarsimapput. Piviusulersaarutit oqaasertalersukkat DR2synimi aamma Tegnsprogskanalenimi tusarnaarneqarsinnaapput. Piviusulersaarutit oqaasertalersukkat aamma ilinnit On Demand-itut neqeroorutitut uani pissarsiarineqarsinnaapput: dr.dk/nu.

Piviusulersaarutit qanoq oqaasertalersorneqartarpat?

Piviusulersaarutit suut oqaasertalersorneqarsimasut naalaarneqarsinnaanersut ingerlaavartumik tamanut saqqummiunneqartassaaq. Kisiannili amerlasuunut siammarterneqarnissaat aalajangerneqarpoq, atoruminassutsillu pillugit aaqqissuisoq Heide Sivebæk imatut nassuiaavoq:

”Piviusulersaarutit sorpassuupput aamma amerlasuunut siammarterinissarput pingaaruteqarpoq. Paasinninnerit, paasiniaanerit aamma piviusulersaarutit inuunermi tarnikkullu misigisat oqinnerumaanik taaneqarsinnaast pillugit oqaluttuat naalaarneqartarnissaat anguniagaavoq.”  

Piviusulersaarutinik oqaasertalersukkanik toqqaanissamut piumasaqaatit innarluutillit pillugit kattuffinnik oqaloqateqarnikkut pilersinneqarput. Tamatuma saniatigut piviusulersaarutit sapinngisamik amerlasuunut saaffiginnittuunissaat, paasinninnernik misissuinernillu piviusulersaarutaanissaat kissaatigineqarnerpaavoq.  Piviusulersaarutilli tamakkorpiaat nipitalersuinerit piffissaagallartillugu naammassineqarsinnaanerat eqqarsaatigalugu unammillernartunik suliassartaqarput, tassami tv-kkkut aallakaatitassiat nalunaaquttap akunnerpassui atorlugit oqaasertalersorneqartaramik.

Kingusinaartumik oqaasertalersuinerit

Tv-kkut aallakaatitassiani oqaluunnerit akornanni pisut oqaasertalersorneqartarput. Tamanna suliaavoq aassigiinngissitaartoq pisariusorujussuarlu aamma sapaatit akunnerata missaani suliarineqakkajuttarpoq. Aallakkaatitassiat piviusulersaarutit ilaat aporaannerpassuarnut tunngasartut aallakaatinneqarnissaat tikivillugu aaqqissuunneqartarput. Aallakaatitassiaq piareerpat aatsaat oqalutsit aallartissinnaapput taamaattumillu aallakaatitassiap aallakaateqqaarneqarnera oqaasertalersorneqanngitsoorsinnaasarpoq. 

Ajutoortoqassappat aallakaatitassiaq oqaasertalersugaq, aallakaateqqinneqassappat, ukunani pissarsiarineqarsinnaavoq: dr.dk/nu aamma på DR1Syn.

Atuisartut ingerlaavartumik DR-imit ilisimatinneqartarput

Atoruminassutsit pillugit aaqqissuisoq Heidi Sivebæk naapertorlugu aallakaatitassiaq oqaasertalersugaq qaqugukkut aallakaatinneqassanersoq pillugu atuisartunut ingerlaavartumik paasissutissiisarnissaq pingaaruteqarpoq. Taassuma atuisartut nittartakkamik matuminnga, tassani aallakaatitsinissat pillugit pilersaarutit nutarterneqartuaannarput, allaatsinaaqqullugit kaammattorpai: dr.dk/fådethelemed.

”Nittartagaq nutartertuartarparput aamma qanittukkut tassani nutaarsiassanik pisartagaqalernissamut allatsittoqarsinnaalissaaq aammalu piviusulersaarutit oqaasertalersukkat atoruminarsakkanillu allanik suliniutit pillugit paasissutissat e-mailikkut toqqaannartumik pissarsiarineqarsinnaalissapput.”

Nittartakkami dr.dk/fådethelemed-imi piviusulersaarutit oqaasertalersukkat internettikkut sumi takuneqarsinnaanersut pillugit paasissutissiisoqartarpoq.

Tappiitsut isigiarsuttullu tamarmiunngitsut dr.dk-mi paasissutissanik nassaaruminaatitsisartut ilisimavarput taamaattumillu aaqqissuutissamik nassaarniarpugut, tassanilu nutaarsiassanik pisargaqalernissamut ikiorneqarnissaq pillugu toqqaannartumik sianertoqarsinnaavoq allattoqarsinnaavorluunniit.