Isiginiarnermikkut innarluutilinnut filminik nuannarisalinnut nutaarsiassat pitsaasut
Dansk Blindesamfundinimi filmertarfinni tv-kkullu filmiminik ajornannginnerusumik isiginnaartarnissaq sivisuumik kissaatigisimavarput. Taamaattumik filmit allagartaasa oqaluuttullu akornanni pisut atuffassissutigineqartalernissaannut Kultureqarnermut ministeriaqarfimmi 1 mio. koruuninik immikkoortitsisoqarsimanera nuannaajallannattorujussuuvoq. Suliniut Danmarkimi tappiitsunut isigiarsuttorujussuarnullu 25.000-it missaanniittunut aamma utoqqarnut isigiarsuttunngorsimasunut suli amerlanerusunut pingaaruteqartorujussuussaaq.
Ukiumi siullermi danskit filmiliaat pingasut ukiunilu tulliuttuni marlunni danskit filmiliaat sisamat allagartaat taakkulu akornanni pisut atuffissusilersorneqassasut pilersaarutaavoq. Tapiissutit ilaat appimik tamatigoortumik ineriarrtortitsinissamut tunniunneqassapput, tassani atuffaassissutitallit atuisartunit pissarsiarineqarsinnaassapput.
Nunani allani sivisuumik allagartat takkulu akornanni pisut oqaasertalersorneqartareerput imaluunniit "audio description", taamatut taaneqartarpoq, tamannalu isiginiarnikkut innarluutillit isiginnaagassianik isiginnaarsinnaalernerannut alloriarneq annertoorujussuuvoq. 2008-miilli DR atuffassinertalinnik aamma aallakaatitsisalerpoq.
Isiginnagassiat nangeqattaartut soorlu ”Borgen” aamma ”Forbrydelsen” kiisalu piviusulersaarutit ”Gaden, hvor det offentlige forsvandt” aamma ”Spekulanterne slår til igen” tassaapput aallakaatitassiat kanalimi "DR Syn"-imi atuffassinertalersukkatut assersuutit.
Filmertarfimmi unnuku nuannersoq
”Isumaqatigiissutip nutaap malitsigisaanik isiginiarnermikkut innarluutillit ikinngutitik ilagalugit filmertarfimmi nuannersumik unnuarsiuaarnissaminnut aporfissaarupput. Tassami tv filmillu inuiaqatigiini ima akuutigilersimapput allaat filmiliat pissarsiarinissaat / isiginnaarnissaat ajornannginnerulersinneqarnissaat isumaqarluni, Tanja Vegeberg Andersen, tappiitsuusoq aamma Dansk Blindesamfundimi ulluinnarni aqutsisunut ilaasortaasoq oqarpoq.
”Filmip atuffassisutaqarnera uannut tappiitsumut filmimik ilumoortumik takunnissimasutulli tassani pisimasunik eqqartueqateqarsinnaannik kinguneqarpoq. Kisianni soorunami filmimi pintaarnertut inuttaritinneqartut qanoq isikkoqarnersut naluakka, kisianni filmimi pisimasut sukumiisumik eqqartorsinnaavakka," Tanja akuttunngitsumik tv-kkut isiginnaartartoq aamma piumalleraagami internettikkut filmimik atuffassinertalimmik attartortartoq pisisartorluunniit oqarpoq.
Nittartagaq una alaatsinaaguk www.dr.dk/fådethelemed (åbner i nyt vindue), tassani DR-imit filmit atuffassinertalersorneqartut pillugit ingerlaavartumik paasissutissiisoqartarpoq.
Aallakaatitassiat atuffassinertaqareersut innersuussami uaniipput www.dr.dk/nu (umeruami allami nuissaaq).
Atuffassisutitallit suuppat?
Tamakku tassaapput nipit kanalimi allamiittut taakkulu isiginiarnermigut innarluutillip appseq iluaqutigalugu iserfigisinnaavai. Tassani umeruami qanoq pisoqarnersoq oqaasertalersorneqartoq naalaarneqarsinnaavoq. Assersuutitugalugu kiinnat isikkui aallaatsillu oqaasertalersornerat. Nipimut kanali aamma filmip allagartaannik atuffassinermut atorneqarsinnaavoq. Aallakaatitap nipeqqaava ajoqusernagu filmip atuffassinertaa aaqqissuunneqartarpoq.
Filmit internettimi nassaarikkit
Nunani allani filmiliarpassuit ullumikkut internettikkut pissarsiarineqarsinnaapput. Nunani allamiut filmiliaannik dvd-nik atuffassinertalinnik ajornanngitsumik isumannaatsumillu pisniarfissaq tassaavoq internettikkut atuagaarniarfik Amazon, tassani tuluit filmiliarpassui atuffassisutitaqarput. Kisianni filmimi filmi atuffassinertaqarnersoq tamatigut takukuminartuaannarneq ajorpoq. Tuluit filmiliaat atuffassinertallit takussutissartaat uani pissarsiarineqarsinnaavoq:
www.yourlocalcinema.com (umeruami allami ammassaaq)