Home /
mærkesager /
kultur og fritid /
tv, radio og film /
Tv, radio aamma filmit
ISI-mi tappiitsut isigiarsuttorujussuillu innuttaasutulli allatut tv-kkut radiokkullu aallakaatitassianik aamma filminik isiginnaartarnissaat naalaartarnissaallu sulissutigineqarpoq.
Filmi nutaaq tappiitsunut nassuiaatitalik 2015-imi januaarip ulluisa 22-anniit
Filmernermik nuannarisalinnut tamanut nutaarsiassat nuannersoq takkkuppoq. Susanne Bierimit filmi nutaaq ”En chance til” tappiitsunut nassuiaaserneqarsimalerpoq. Tappiitsunut nassiuaat appsimi appsimi MovieReadingimi 2015-imi januaarip ulluisa 22-anniit aaneqarsinnaalissaaq. MovieReadingimik atuinerpit malitsigisaanik nunami tamarmi filmimik takutitsiffiusuni tamani filmi takusinnaalissavat.
Radiomi Tusarnaagassiaq naalaarneqartuartussanngorluni takkussimavoq - neriuppugut!
Inuit amerligaluttuinnartut oqarasuaatiminni podcast naalaartaleraluttuinnarpaat. Tamanna radiokkut tusarnaagassiani naalaarneqalerattuinnartumut tuniluuppoq. Ilanngutassiaq Øjeblikket nr. 4-mi 2014-imeersoq
D2014-imi juuniup ulluisa 16-anni DR2Synimi aamma DR3Synimi allagartat oqalunnertaqalissapput
DR2-mi aamma DR3-mi allamiut oqaasii atorlugit aallaakaatitsinerni, nutaarsiassani il.il. allagartalersornerit maannakkut nipitalertalermatigit atuffatsissinnaalerputit. Allagartat (talesyntesen) nipituumik atuarneqartarput, taanna DR1-imi Synimi allagartatut atuarneqartartutut ippoq.
DR-imi Danmarkimi piviusulersaarutit arlallit tappiitsunut nassuiaaserneqarput ussersornermillu oqaluuttartunut aamma nassuiaasersorneqarlutik
2013-imi oktobarip ulluisa 22-at: Allagaatit toqqakkat ungasinngitsukkut tappiitsunut isigisarsuttorujussuarnullu aamma tusilartunut ajornannginnerujussuarmik pissarsiarineqarsinnaalissapput.
DR-imit tusagassiuutinut nalunaarut: Maannakkut allagartat oqaasertaqalerput
TV-mi allamiut oqaasi atorneqartillugit aamma allagartalersorneqartillugit danskit millionit affaanik amerlanerit malinnaasinnaaneq ajorput. Ilarpaaluissui allagartanik takunnissinnaanngillat amerlasoorparujussuillu pisariaqartinneqartumik sukkassuseqarlutik atuarsinnaanngillat. Maannakkulli allagartat nipituumik atuarneqartillugit naalaarneqarsinnaalerput.
Dansk Blindesamfundip aamma Danmarks Radiop suleqatigiinnerat
Tusagassiorfinni isumaqatigiissutit malitsigisaannik ineriartortitsinermut, ilaatigut DR-imi aallakaatitat innuttaasunut nutaarsiassaqartitsisussaasutut innarluutilinnik isiginnaarlugillu naalaarnissaat ajornannginnerulersitsinissaq siunertaralugu, killiisoqarsimavoq, tassunga ilanngullugit tappiitsunut isigiarsuttorujussuarnullu atuuttumik.
Tappiitsunut nassuiaanermi paasisat
Tappiitsunut nassuiaatit tassaapput immikkut nipitaliinerit. Tassani assimi susoqarnersoq nassuiaatigineqartarpoq. Tamanna assersuutigalugu kiinnat isikkuannik, timip pissusilersuutaanik scenillu nikinneranni oqaluttuarnerusinnaavoq. Oqaatsinik nassuiaanerit aallakaatitap nipitaa siulleq akornusersorsinnaajunnaarlugu aaqqissuutaapput.